"गांधी जयंती दिनी" पर्यावरण संवर्धन समिती , वसई विरार द्वारे "मूक निषेध"

सर्वांना नमस्कार,

2 ऑक्टोबर "गांधी जयंती दिनी" पर्यावरण संवर्धन समिती , वसई विरार द्वारे "मूक निषेध"

   दिनांक 19 सप्टेंबर रोजी उद्भवलेल्या पुरपरिस्थितीमुळे संपूर्ण वसई पाण्याखाली गेली, लोकांच्या घराघरात पाणी घुसले त्यामुळे अतोनात नुकसान झाले. हि पुरपरिस्थिती निसर्गनिर्मित नसून मानवनिर्मित आहे. याविरोधात प्रतिकात्मक म्हणून नानभाट, बोळींजआणि नंदाखाल येथील बाधित नागरिकांतर्फे या पुरास पूर्णतः "शापूरजी पालनजी" यांच्यासारखे बांधकाम व्यवसायातील मेगा प्रोजेक्ट जबाबदार आहेत. याद्वारे पाण्याचे नसर्गिक निचरा होण्याचे मार्ग सातत्याने मातीचा भराव टाकून बंद केले जात आहेत. यासंदर्भात मा. चंद्रशेखर प्रभू सरांच्या सल्ल्याने आणि मा. फादर फ्रान्सिस दिब्रिटो यांच्या मार्गदर्शनात समनव्यक समीर वर्तक व समिती सदस्यांच्या प्रयत्नाने "पर्यावरण संवर्धन समिती, वसई विरारच्या" माध्यमातून "वसई विरार शहर महानगरपालिकेत" सातत्याने पाठपुरावा चालू आहे. या चळवळीचाच एक भाग म्हणून दिनांक 2 ऑक्टोबर रोजी "राष्ट्रपिता महात्मा गांधी"  जयंती निमित्त सकाळी 10 ते 11 पुरामुळे बाधित गावकरी व वसईतील अनेक सामाजिक संघटनेच्या प्रमुख कार्यकर्त्यांच्या उपस्थितीत बोळींज चर्च समोरील शापूरजी पालनजी यांच्या मेगा प्रोजक्ट समोर "मूक निषेध" व्यक्त केला.
         सदर "मूक निषेध" आंदोलन समाप्तीनंतर झालेल्या सभेत चुळणे गावातील जागृती संस्थेचे थॉमस डाबरे, जनआंदोलन समिती च्या डॉमिनिका डाबरे, आदिवासी एकता परिषदेचे वसई तालुका अध्यक्ष दत्ता सांबरे यांची छोटेखानी भाषणे झाली. समितीतर्फे समनव्यक समीर वर्तक यांनी यासंदर्भातील वाटचाल नमूद करतांना आयुक्तांसोबत झालेल्या बैठकीतील चर्चेची माहिती दिली. रॉजर रॉड्रिग्ज यांनी सूत्रसंचलन केले आणि राष्ट्रगीताने आंदोलनाची सांगता झाली.
           या "मूक निषेधाच्या" वेळी काँग्रेसचे खालिल शेख, युवा भारतचे शशी सोनवणे, दिपक म्हात्रे, संदेश पवार, विक्रांत चौधरी, कुपारी संस्कृती मंडळाचे अध्यक्ष जिम रॉड्रिग्ज, जागृती संस्था, चुळणेचे अध्यक्ष राजेश गोन्साल्विस, सुनील फिरोज, जनआंदोलन समितीचे सुनील डाबरे, बावतीस फिगेर, सुनील डिसिल्वा, भाजपा चे रिक्सन तुस्कानो, विजय तुस्कानो, मा. नगरसेविका फ्लेविना पेगाडो, स्वाभिमानी वसईकर संस्थेचे सुनील रॉड्रिग्ज, प्रशांत रॉड्रिग्ज, सचिन मेंडीस, ऑल्विन रॉड्रिग्ज,मॅलकम परेरा,  प्रकाश जाधव, मॅकेन्झी डाबरे, सचिन मर्ती,  रुग्णमित्र राजेश ढगे, हेमराज घरत, लेस्ली डिमेलो, नानभाटचे सॅबी डायस, चार्ल्स लोपीस, जोएल डाबरे, अॅलन डिसोझा, रॉबर्ट परेरा, रॉबर्ट आल्मेडा, एरीक लोबो, भूषण पाटील, CA स्वेन्तल मस्करणीस, मिल्टन मस्करणीस, रॉबर्ट लोबो, जनहित सोसायटीचे विल्यम डाबरे, बोळींजचे महेंद्र (गोंड्या) रॉड्रिग्ज, तसेच असंख्य कार्यकर्ते आणि पुरबाधित नागरिक उपस्थित होते.
- समीर वर्तक,
समन्वयक , पर्यावरण संवर्धन समिती , वसई-विरार.

विडीओ :

https://youtube.com/watch?v=s8sdmp2G3fM

समीर वर्तक, पुढील वाटचालीविषयी 

https://m.youtube.com/watch?v=A3Z2ylC53oA

रॉजर रॉड्रिग्स , मुक निदर्शनाविषयक माहिती

https://youtube.com/watch?v=ADEfjpJOGeo

डॉमनिका डाबरे, गिरिझ परीसरातील परीस्थितीची भयावहःता सांगतात

https://youtube.com/watch?v=dCETH73WAG8

थॉमस डाबरे, चुळणे येथील पुरसदृश परीस्थिती व भविष्यातील संकटांविषयी माहिती देताना

https://youtube.com/watch?v=tovNAEakeTs

दत्ता सांबरे, आदिवासी पाड्यातील घरे पाण्याखाली जाऊन झालेले नुकसान मांडताना

आतापर्यंतची वाटचाल : 

https://www.youtube.com/channel/UCil2YGhV4YMdkoknUA1fWJA

www.pssv.org

*पर्यावरण संवर्धन समिती*